ANONYMES GÄSCHDEBUCH

Samschdaa 27. Auguschd:
Moins: E priggelich Seggdfriehstick zum 25igschde Hochzeidsdaa.
Middags: Uff de Betze! Mid meim Schäddsche dene die Lerrehos auszieje.
Owends: Uff die Wachdeburch! mid de Giddarische

Wass e Feschd!
Free mich schunn.
De Meerschbacher

Liebe Anonyme Giddadarischde,

ä schäänie Gschischt am Rande eures Ufftritts am 9. August in der Frongedahler Erkenbertruine:

Als mer so an de Kass warn, do kam e französisch Familie vorbei un wollt mol kurz zu de Musik. Also hen mer se mol kurz fer umme neu gelosst:

Es kam grad des Pfalzlied.

Die Fraa hot eigentlich gut Deitsch gekonnt, awer sie hot nix geschnallt. Do hemma erklärt, dass des so eh bissel anersder als des Schrifdeutsch is, näähmlich pälzisch.

Egal, die war so hin un weg, dass alle de Text gewusst henn und alle mitgesunge henn, des het se uns niemols zugedraut. Do hemma erklärt, dass des des is, was fer die Franzmenner die Massaiäs is, un sie hots kappiert un sie hot ach Träne in die Ache grigt.

Als dann Dankschee und Bittschee kam, wollt se nochmol e Üwersetzung und nachdem mer des ins Schriftdeutsch iwertroge hen, un sie des dem Rest von de französiche Familie verklickert hot warn die total fertisch.

Isch glaab do habt´ er mehr fer die Deitsch – fronzesich Freundschaft gemacht als en gaonze Sack Polittiker.

Gruß Andreas Maurer

Servus,

hab emol ä Frog an aisch: Um wie viel Uhr fangd eier Konzert in Wachrem beim Burgfeschd uf de Wachteburg ah?

Damit ma sich besser zeitlich druf eistelle kann, dankschää!!

Servus,
isch wollt bloß amol sage, daß isch die letscht Woch zum erschtemol uf äm Konzert vun eisch war in de Erkenbertruine, bei eierm Hämspiel in Fronkedahl. Ei Mensch war des Klasse. Mordschtimmung un viele gute Schoppe (war ja fer än gude Zweck hot de Edsel gsacht!).
Weiter so Jungs. Beim THW-Konzert wär isch wohl widder do soi.
Ä Hoch uf die Palz
Dieter

Hallo Jungs,

ihr habts gschafft, mir in de Erkenbertruin trotz allem immmer wieder mol en Lächeln uff moi Gsicht zu zaubern.
Dank scheee!!!
LG Bettina

Her ihr Guude,
wolld mich bloß noch emol bei eisch bedanke fer des schääne Konzert uffm frangedaaler Strohhutfeschd und vor allem fer die schääne Bilder, die mer zusamme gemacht hän. Do bin isch un ihr druff. Isch bin der Pälzer, der inzwische in Bayern lewe duhd und denne Zwoggel do unne mol ä rischdischie kuldur beibringt. An dem Samsdaach bin isch extra vun Bayern uffs Strohhutfeschd kumme un was soll isch eich saache: her, s´war escht schääh. Kann mer äähner vun eisch saache wo ich die Bilder bei eisch platiere kann? Sin wirglisch schääh worre.
Also in dem Sinn, viele gries aus Bayern und net verzweifle, irgendwann hämm mer die Zwockel soweid, dass se aah singen "awwer annerschdwu is annerschd...".
LG Bernd

Hallo zusamme,
isch will misch heit mol ganz perseenlisch fer die wunderschääne Konzerte bedanke, die des Johr unser Publikum mit uns g'feiert hot. Mir wärre aach oft vun Veraa'schtalter fer genau des gelobt unn isch mään, des musse emmool g'saat werre. Dodefor unn fer's do-sei' unn insbesunn'ere aach bei de letschte Benefizkonzerte -> Danke Lena! mescht isch Eisch an dere Schtell mol allmite'nanner dricke!

Unn e dickes Dank-Schää vun de ganz' Kabell!

Liewe Grieß, de Edsel

Her Ihr Leid,
des war emol widder ä rischdisch schäänes Konzert in de Ruin in Frangedaal....`s Wedder hot mitgschpielt noochdems ämol uffgheert hot zu regne, de Sound war Klasse (awwer viel leiser als sunscht ......was waren do los) unn die Show ääfach saugeil
Liewe Gries
De Kalle

Hallo,do is eier Lena.
Des am Sundag war saugud.
Wolld nochmol Dange sa.
Ich hoff mer sehn uns ball mol widder.

Liebe Grüße Lena,Nina,Andreas un Diana

Saugutes
BENEFITZ Konzert uff de Neuleiniger Burg

äfach geil

Hallo ihr liewe Annonyme,

won schbield ihr donn am Sundach middach ? Wissda des schu ?

Hallo,

hab euch zum erschte mol uff em Wachremer Woifeschd leif g'sehe. Wohn in Rhoizawwere in de Siedpalz. Leider sin ihr do net so oft in de Gegend zum Schpiele. Awwer spätesdens uff em Burgfeschd in Wachrem kuck isch aisch widder zu. Subber Stimmung bei aisch.

Gries vun de Siedpalz

Hallo Ihr dehäm!
isch bin seid 5 Johr in Pole, zum schaffe;-)
Is gar net so schlecht! jetzt hot mer moin Bruder e CD fun Eich gschenkt, un was soll isch sage?! jetzt hab ich moi Heimat, isch kum aus Wachrem, do in Pole. moin Klingelton is die Melodie fum Palzlied, moi Kinner singen jeden Dag Lewwerworscht un moi Kolege wunnern sisch iwwer moin Dialekt, weil normal sprech isch jo HOCHDEUTSCH! Also, donke dass es Eisch gibt!
Thomas aus Wachrem

was dezubänsle

Ihr Männer, ich wollt nur mol fer des Engagement in Leininge sage: Respekt !!!!!
Des gilt fer all minonner die do mitmachen unn mithelfen.